Em' belle fille

EM BELLE-FILLE Paroles et Musique de Simon COLLIEZ El jour eq' min garchon L' a ram' née à l' maison J' savos pas si ch' étot Einne fille ou un garchon I faut dire qu' de l' façon Qu' alle étot arnéquée J' sus sûr qu' i' n' a plus d' un Qui se s' rot fait rouler Alle avot un blouson Ed cuir noir su sin dos Des manches tell' mint longues Qu' in n' véyot pus ses dogts Un jean tout déquiré In i véyot ses gampes Des bottines à ses pieds Qui ont fait 39-40 REFRAIN : Em belle-fille em belle-fille Alle a tout tout d' un garchon manqué Em belle-fille em belle-fille Alle a rien rien rien d' effeminé Ch' est carrémint l' contrair L'opposé de m'belle-soeur Alles ont un point commun Toutes les deux alles font peur Em belle-fille em belle-fille Alle a tout tout tout d'un garchon manqué Alle a tout tout tout d'un garchon manqué Quand em femme alle l' a vue Ed peur alle a crié Alle n' a queu su sin cul Ch ' est pour vous dire l' effet Ch' est vrai que cha surprind Au tout premier abord In a cru qu' nou gamin Il avot viré d' bord (au refrain) J' sais pas si ch' est parc' qu' alle Fait toudis de l' moto Alle a ses gampes arquées Ses g' noux qui s' tournent' l' dos In plus alle a toudis Dins s' bouque un tiot mégot In dirot Lucky Luke I li manque que l' capieau (au refrain)