IN A TOUDIS S’MAIN
DINS SIN PORTE-MONNAIE
Paroles et Musique de Simon COLLIEZ
Avant quand in veyot
Arriver el facteur
In n' i tournot pas l' dos
I nous faisot pas peur
L' peu d' courrier qu' in avot
Cha v' not d' einne parinté
D' un mononque d' einne matante
Du villache d' à côté
Mais tandis qu' aujourd' hui
Quand in l' vot arriver
In s' demande toudis
C' qu' i va nous apporter
Quand i nous tind einne lettre
In n' ose pas l' raviser
Tout i passe dins nou tête
Quoi qu' y a core à payer
REFRAIN:
In a toudis s' main dins sin porte-monnaie
Tous les jours in a quet cosse à payer
In nous réclame des sous d' tous les côtés
Sans arrêt in sort sin porte-monnaie
Si ch' est pas sin loyer
Ch' est s' n' électricité
Sin chauffache ou bien s' n' ieau
Ou ses pitits impôts
L' redevance de l' télé
Qui arrête pas d' augmenter
Pour vir que des conneries
Cha pourrot ête gratuit
L' assurance pour ches tiots
Et pis celle de l' auto
Pour bien finir l' année
Y a s' vignette à payer
L' assurance pour l' maison
L' retraite complémentaire
Et je n' parle pas des dons
Qu' in nous demande d' faire
(au refrain)
Avez-vous armarquer
Quand ch' t' à nous à payer
In n' a pas gramint d' temps
Sinon y a dix pour cent
Quand ch' est eux qui nous doivent
In est rimpli d' paprasses
Faut avoir fait du droit
Pour savoir rimplir cha
I manque toudis einne feulle
Qu' in n' a pas rinvoyée
Einne case einne signature
Qu' in a dû oublier
In n' peut même pu rien dire
Quand i font einne erreur
Tout d' suite i nous réplique
Que ch' est l' ordinateur
(au refrain)