M' VIELLE MAISON
Paroles de Jean CEENAEME
Musique de Simon COLLIEZ
Dins nou cité tout près de l' fosse
J' sus v' nu au monte un jour d' Avril
J' ai vécu là tout einne vie d' gosse
Courant bien souvint d' sus ch' terril
Quand j' étos tout in haut de l' butte
Ravisant au loin l' horizon
J' véyos dins l' fond comme einne cahutte
L' tiot lopin d' terre et m' vielle maison
REFRAIN:
M' vielle maison alle étot fin belle
Avec des fleurs d' sus sin balcon
Pour mi i n' avot point d' parelle
Malgré les mêmes dins tout l' coron
M' vielle maison alle étot fin belle
Avec des fleurs d' sus sin balcon
Pour mi i n' aura pus d' parelle
I est disparu min viux coron
Dins ses murs y' avot bien des rides
Des tiotes lézardes et d' l' affaiss' mint
Mais dins l' temps ch' étot du solide
Et pas question d' déménag' mint
Ses tuiles toutes noires étotent induites
Ed' poussière venue du terril
Malgré tout cha y' avot pas d' fuites
Ch' tot pas un chef-d' oeuvre in péril
(au refrain)
In grandissant j' ai tout quitté
Les viux aussi tout discrèt' mint
Te v' là toute seule abandonnée
Dins l' coron vide sans lend' main
Mais quand j' arviens dins nou villache
Dins l' famille pour dire el bonjour
Te m' rappelles tant d' souv'nirs bénaches
Que pour t' arvir j' fais un détour
(au refrain)