NOUS LES R' TRAITES
Paroles de René DOUNIAUX
Musique de Simon COLLIEZ
Albert après tros apéros
I nous sort tout sin répertoire
I s' prind pour Luis Mariano
Seul' mint comme i n' a pas d' mémoire
In dot li souffler les paroles
In plus i cante comme einne cass' role
I' a fini in i r' met un pot
Pour pas qui r' cante un aute morcieau
In s' demande s' il fait pas exprès
Pour boire à l' oeil ch' est pas l' dernier
REFRAIN:
Nous les r' traités in a jamais le temps
De s' faire de l' bile ou bien du mauvais sang
In n' reste pas infermé à s' maison
A s' incroûter devant l' télévision
In va au club artrouver ses amis
Pour jouer à cartes ou faire einne tite sortie
Ch' est nous les meilleus pour c' qui est d' s' amuser
Vive la r' traite et vive les artraités
Mad' leine qui fait plus c' cent kilos
Seul' mint i faut vir comme alle danse
Si elle t' invite te voilà bieau
Et té peux dire que t' as pas d' chance
Elle te coince intre ses nénés
T' arrives même pus à respirer
Si ch' est un tango rinversé
Faut s' mette à quate pour l' arlever
Faut avoir sin permis poids lourd
Ou alors té fais pas trois tours
(au refrain)
Quand in voyache ch' t' einne vraie mervelle
Dins ches bus in cante à tue-tête
L' chauffeur in li casse les orelles
I sort ed là i est tout bébête
Les gins du Nord du Pas d' Calais
Dins tous les coins in les r' connaît
Les bieaux catiaux et les églises
Cha n' désaltère pas les touristes
Si l' car i fonctionne au diesel
Nous in fait l' plein dins les capelles
(au refrain)