OUF CH' EST FINI
Paroles et Musique de Simon COLLIEZ
Quand Robert il a pris s' retraite
Faut vir l' monde qu' il avot
Faut dire que Robert ch' est einne tête
Et que du monde il in connot
I' avot fait cha dins l' salle des fêtes
Y' avot à boire et du gâtieau
Et certains pour fêter s' retraite
Ils i offrottent un p' tit cadeau
I' avot invité ses copains
Ses amis et pis ses voisins
Ceux qui travaillottent avec li
Et s' belle-mère alle y' étot aussi
Mais voilà ch' est que tour à tour
Chacun i faisot sin discours
Deux heures après einne fos fini
Robert alors là i m' a dit
REFRAIN:
Ouf ouf ouf ch' est fini
Les bieaux discours les tra la la ch' est pas m' n' affaire
Ouf ouf ouf ch' est fini
In plus i faut sourire à ceux qu' in n' a pas querre
Ouf ouf ouf ch' est fini
Mais y' a des jours faut tout supporter et pis s' taire
Ouf ouf ouf ch' est fini
Ouf ouf ouf ch' est fini
Y' in a croyant i faire plaisir
I z' ont canté einne tite canchon
Au début cha nous faisot rire
Mais à forche in trouvot l' temps long
El pire cha a été s' belle-mère
In arrivot pus à l' faire taire
Deux heures après einne fos fini
Robert alors là i m' a dit
(au refrain)
Cha n' est seul' mint qu' einne fos bien tard
Que certains se sont in allés
Mais comme y' a toudis des fêtards
Qui n' sont jamais pressés d' rintrer
Ch' est quand i z' ont eu tout vidé
Qu' alors i se sont in allés
Quand el dernier il est parti
Robert alors là i m' a dit
(au refrain)