ET BLA BLA BLA
Paroles et Musique de Simon COLLIEZ
Y' a des femmes lu plaisi ch' est d' tricoter
Et y' in a d' autes ch' est d' faire des mots croisés
Et y' in a même qui font un peu d' gardin
Mais seul' mint chelles-là y' in a pas gramint
Et pis y' a celles dont j' voudros vous parler
Lu seul plaisi à elles ch' est d' critiquer
A parler de tout quand elles savent rien
A dire du mau sur el dos d' lu voisin
A parler d' lu misére et d' lu malheur
Cha leur arrive souvint d' oublier l' heure
Et quand lu bonhomme i rinte à midi
Ch' dîner i n' est pas prêt i n' a rien d' cuit
REFRAIN:
Et bla bla bla (bis)
Ch' est sur el dos de ch' ti-chi ou bien de ch' ti-là
Et bla bla bla (bis)
Y' a pas y' a toudis un p' tit quette cosse qui va pas
Et bla bla bla (bis)
Ch' est du médecin in passant par el pharmacien
Et bla bla bla (bis)
L' instituteur même el facteur tout l' monte i prind
Y' in a même el dimanche qui vont à l' messe
Mais ch' n' est pas l' curé qui les intéresse
Ch' est surtout pour savoir c' qu' i y' a d' nouvieau
Et pour vire c' que chés gins y' ont mis su l' dos
Mon diu ch' ti-là j' l' avos pas arconnu
T' as vu cha comme il a pris un coup d' viux
Et chelle-chi commint qu' alle est arnéqué
Bin si j' étos de s' n' homme j' séros gêné
(au refrain)
Ravisse un peu chelle-là qui s' améne là
As-tu vu cha el belle robe qu' alle a là
Ch' est à s' deminder commint qu' ch' est qu' alle fait
J' comprinds pas commint qu' alle peut y arriver
Ch' est pas avec es' c' que s' n' homme i ramène
Qu'alle peut canger d' toilettes toutes les semaines
Faut vire à s' maison les allées et v' nues
Cha n' m' étonnerot pas que s' n' homme soit co-nnu
(au refrain)