SI SEUL’MINT QUE J’SAVOS
Paroles de Raymond COUDERT
Musique de Simon COLLIEZ
Si seul’mint qué j’savos
Quand qué j’té vos in pin’ne,
Pour é t’faire carrier drot,
Povoir ténir ches rennes.
Si seul’mint qué j’savos
Quand j’té sins tourmintée,
Dire tout chà qui faudrot
Afin dé t’rapager.
Si seul’mint qué j’savos
Quand j’té vos rinfrognée
Seul’mint truver ches mots
Pour pouvoir t’amuser.
Si seul’mint qué j’savos
Quand qu’ch’est qu’té broies du noir,
Treuver einne dynamo
Qui t’ardonnr’rot l’espoir.
Si seul’mint qué j’savos,
Mais chà, je n’sais pas l’faire,
Si qu’simplemint j’dijos :
« Sais tu comme é j’t’ai quère ! »
Si seul’mint qué j’savos
Quand nous tiots sont malates,
Adon que j’n’in brairos,
Passer à l’rigolate
Si seul’mint qué j’savos
Oublier nos tourmints,
Nous misères et nous maux
Et t’rapp’ler simplemint
Si seul’mint qué j’savos,
D’pis chinquante ans passés
Chinquante ans ch’est mi d’trop,
Pour c’que té m’as donné
Si seul’mint qué j’savos,
Et chà, cha m’imbarrasse,
Si j’té disos einne fos :
J’sus bénache quand j’t’imbrasse
Si seul’mint qué j’savos,
Mais chà, je n’sais pas l’faire,
Si qu’simplemint j’disos :
Sais tu comme é j’t’ai quère !
Si qu’simplemint j’dijos :
Sais tu comme é j’t’ai quère !