IN FOUINANT DINS CH’GUERNIER
Paroles de Jean-Marie CERF
Musique de Simon COLLIEZ
In fouinant dins ch’guernier j’ai r’treuvé des trésors
Comme el viux phonographe d’ma tante Eléonore
I’a souvint grésillé animant ches r’pas d’fêtes
Crachant des charlestons
Des canchons d’Mistinguett
Dépassé par l’progrès ches cassettes ches C D
Y’a longtemps qu’i’est au r’but et qu’i’est dev’nu muet
Ch’est eun’ pièche ed musée qui m’rappelle em jeunesse
De n’jamais l’bazarder
J’in ai fait el promesse
J’ai aussi r’déniché l’viux moulin à café
Que m’mère intre ses g’noux a si souvint serré
Tous les jours dins l’cuisine j’avos querre sin crincrin
Qui f’geot s’égosiller
Ech mâle ed canarien
Mais l’caf’tière électrique et l’pourette in sachet
Ont fait que li aussi i’est devenu muet
D’li rinte un tiot peu d’vie j’n’ai pas pu m’impêcher
J’ai r’fait les gestes de m’mère
Cha m’a tout artourné
D’li rinte un tiot peu d’vie
J’n’ai pas pu m’impêcher
J’ai r’fait les gestes de m’mêre
Cha m’a tout artourné
Et pis j’ai sursauté quand j’ai vu L’fusil d’guerre
Planqué là paraît-il par em’ n’arrière grand père
Sûr’mint qu’su l’front d’l’Artois il a tiré dins l’tas
Ch’est malheureux à dire
Mais i’a té fait pour cha
Ch’t’un engin diabolique qui tue dins l’monte intier
Mais i’a pas un pays qui voudrot s’in passer
Comme el viux phonographe et l’moulin à café
Ah si tous ches fusils
Pouvot’ dev’nir muets
Comme el viux phonographe
Et l’moulin à café
Ah si tous ches fusils
Pouvot’ dev’nir muets