J’N’AI JAMAIS EU D’CHANCE IN AMOUR
Paroles et Musique de Simon COLLIEZ
L’première je m’souviendrai toudis
Alle m’a bousillé trois bagnolles
Heureus’mint pour mi alle est partie
Avec elle j’in ai vu des drôles
Cats et tchiens y’in a pus dins l’quartier
Ches pauv’ bètes alle z’a écrasé
Même ches gins rintrottent à leu maison
Quand alle arrivot dins ch’coron
REFRAIN :
J’n’ai jamais eu d’chance in amour
Pourtant des femmes j’in ai connu
Al’ n’restent jamais pus qu’dix jours
Après cha je n’les arvos pus
Je n’dis pas cha pour em ‘ vanter
Mais j’ai connu des vraies beautées
J’vais bétot croire que ch’est de m’faute
Car elles se barrent l’eune après l’aute
El deuxième sus pas près d’l’oublier
Avec elle cha été vite fait
Pour el peu que j’avos mi d’côté
Alle a eu vite fait d’ tout croquer
Tout l’argint que j’gagnos dins l’journée
El soir tout étot dépinsé
Alle claquot à tort et à travers
J’étos toudis à découvert
(au refrain)
Des comme cha j’in ai connu gramint
Je n’les compte pas su les deux mains
El dernière J’pinsos avoir trouvé
El femme enfin tant désirée
Pour un coup ej’ n’étos pas d’accord
Et ch’est mi qui l’a mi dehors
Alle voulot qu’in vive avec es’mère
Tant pis j’restr’ai célibataire
(au refrain)