T'iros ti là haut

T’IROS TI LA HAUT Paroles de Willy TOUBEAU Musique de Simon COLLIEZ Pour mes vacances au début de ch’t’année Je m’sus payé l’voyache organisé In autobus j’sus parti au Tyrol Pour me r’quinquer et m’arfaire les guibolles Après deux jours d’eine très longue traversée Je m’sus r’trouvé d’vant la réalité A gauche à droite y’avot que des montagnes D’un air inquiet j’ai démindé à m’femme REFRAIN T’iros ti t’iros ti là haut T’iros ti t’iros ti là bas Si t’y vas mi aussi j’iro Comme cha tertous in i montr’a Toudis assis j’étos inkilosé A ch’t’allure là cha n’pouvot pu durer I’étot grand temps que j’fasse ed’ l’exercice Sur les versants du Tyrol et d’la Suisse Avec des skis des godasses un bonnet Printe el tire-fesses j’étos pas rassuré Mais tous chés gins qu’i’attindott’ pour monter I’ont- té surpris in m’écoutant canter Au refrain Pour mi skier ch’étot trop dangereux S’casser eine gampe ch’est pas fait pour les vieux J’ai préfèré aller m’prom’ner in ville Pour boire un verre et léquer les vitrines Mais su l’trottoir je m’sus fait accoster Par eine fräulein qui m’veillot grelotter Viens monte chez moi alle fait j’ai du bon feu In grattant m’tête J’li ai dit l’air soucieux T’iros ti t’iros ti là haut T’iros ti t’iros ti là bas Si ti vas mi aussi j’iro Comme cha à deux in s’récauffr’a