EM’FEMME ALLE A PAS D’POT
Paroles de Jean-Marie CERF
Musique de Simon COLLIEZ
Pour nos trente ans d’mariache in s’a payé l’resto
Mais pour einn’ fos qu’in sort em’femme n’a pas eu d’pot
Not’ souper aux candell’ n’fut pas einn’ réussite
Sûr qu’in aurot miux fait d’soffrir einn’portion d’frites
D’abord j’l’ai vue blanquir quand in a eu ch’l’intrée
Alle a eu des haut d’coeur i li’est v’nu einn’ suée
Si in r’poussant s’n’assiette alle fégeot des grimaces
Ch’est qu’su s’feulle ed salate y’avot einn’ tiote limace
REFRAIN :
Pour nos trente ans d’mariache in s’a payé l’resto
Mais pour einn’ fos qu’in sort em’ femme a pas eu d’pot
Not’ souper aux candell’ fut pas einn’ réussite
Sûr qu’in aurot miux fait d’s’offrir einn’ portion d’frites
Alle avot r’pris s’n’haleine pour ech plat d’résistence
Mais manifestemint ch’tot pas sin jour ed chance
L’serveur mal immanché i’a rinversé l’saucière
Sur sin caraco blanc qui li v’not de s’grand mère
(au refrain)
Mais l’momint l’plus critique cha été au dessert
V’là pas qu’dins s’coupe ed crème y’avot des éclats d’verre
Alle a du n’n’avaler j’l’invo à l’hôpital
Car quand sin vinte berloque cha tinte comme du cristal
(au refrain)