S’I SUFFISOT
Paroles et Musique de Simon COLLIEZ
S’i suffisot simplemint d’eune prière
Pour que les hommes arrêtent de s’faire la guerre
Pour qu’i z’oublient leus querelles leus rancoeurs
Leus différences d’religion ou d’couleur
S’i suffisot d’léver les bras au ciel
Et d’implorer nou bon père éternel
Pour que les hommes enfin s’donnent la main
Et qu’in n’vot pus tant d’gins mourir ed faim
REFRAIN :
S’i suffisot seul’mint d’prier
Alors je l’fros sans hésiter
J’trouve qu’il a bon dos nou bon Dieu
Quand cha va pas ch’est sus li qu’cha r’queu
Mais quand l’homme il aura compris
Que ch’est gramint de s’faute à li
Quand ch’jour là i s’ra arrivé
Pour cha i’aura pus b’soin d’prier
S’i suffisot d’rintrer dins eune église
Pour que la vie alle devienne moins triste
Que les veilles gins qu’i s’artrouvent tout seues
I trouvent eune main eune main qui s’tind vers eux
S’i suffisot d’prier pétit Jésus
Pour que ch’t’hiver à Noël dins ches rues
Pour qu’in n’vot pus des gins mourir ed frod
Et que chaque tiot aie sin pétit cadeau
(au refrain)