T’AS QU’A GRATTER L’MORPION
Paroles de Robert JORDENS
Musique de Simon COLLIEZ
Tous les matins ej’ sus à peine lévé
Que j’souque déjà in prenant min café
Pour savoir par quoi que j’vais commincher
Par ech’ Loto ou bien par ech’ Tiercé
Et je m’vos déjà riche sous les palmiers
Dins les Bermudes ou in Nouvelle Guinée
Mais jusqu’à c’t’heure j’n’ai jamais dépassé
El phare qu’in vot in haut du Cap- Gris-Nez
Mi j’ai tous les jus dins m’pétite carnasse
I faudra bien qu’cha passe ou bien qu’cha casse
Dins les cafés quand in m’vot arriver
In crot bétôt que j’sus au P T T
Mais j’ai bieau réfléchir et m’casser l’tête
Ch’est pas cor ed main que j’ferai la fête
Car j’ai déjà eu bieau tout essayer
Y’in a qu’un qui s’plaint ch’est min porte monnaie
REFRAIN :
Mais comme dirot mononque Gaston
A qui j’ai posé la question
Pour régler mes hésitations
Eh bin t’as qu’a t’as qu’a gratter gratter l’Morpion
Eh bin t’as qu’a t’as qu’a gratter gratter l’Morpion
J’dis aujourd’hui ej vais tenter l’Bingo
Y’a pas d’raison j’veux pas mourir idiot
Ou alors si l’affaire alle tombe dins l’lac
J’n’ai qu’à faire un bon coup au Tac au Tac
J’sus certain comme dit l’voisin Amédée
Qu’au Tiercé j’vais pouvoir em’ rimpleumer
Même rintrer à m’maison in solitaire
Après avoir taté du Millionnaire
(au refrain)
Il est vrai qu’tous ches jus cha fait rêver
Car i z’ont des noms qui font saliver
Avec eux on part en in temps record
Dins l’bistrot du coin à l’Ile au trésor
Mais dins tous ches noms là a rien d’mic mac
Tiens ch’est vrai j’allos oublier l’Black-jack
I faut pus que j’traine in va prinde du r’tard
Salut mes gins nous v’la au top départ
(au refrain)