EM 'MAN
Paroles de Alain LEMPENS
Musique de Simon COLLIEZ
Chaque jour timpe au matin au four et au moulin
M'man f'sot toudis s'n'ouvrache sin archignier à l'tâche
Pour préparer sin ju dabord décroche ch'fu
Avant de l'ralleumer aveuc du bos cassé
Mette eun' pelle ed' carbon i va bétot faire bon
I'est temps d'app'ler chés tiots pis mette à cauffer l'ieau
Assis près de ch'fu caud chés gosses boiv'nt ech café
Aveuc ch'chuque in morcieaux avant d'aller s'laver
REFRAIN
M'man faisot toudis tout
Et s'occupot bin d'nous
Es' quinzaine ed pêqueux
Alle faisot des heureux
In roulot pas sur l'or
M'man ch'étot nou trésor
Aveuc sin coeur in or
M'man ch'étot nou trésor
Nou trésor
Quand in rintrot d'l'école i fallot faire ses d'voirs
Pour éviter l'torgnolle té devos tous savoir
Em' mère alle savot tout chés mots fort compliqués
L'lecture chétot sin goût calculer raisonner
Lundi l'jour de l'buée ch'linche fallot l'ébrouer
L'frotter au mon savon l'rincher pis l'essorer
Alle pindot chés cotrons chés qu'miches chés pantalons
Ed' sus chés fils de fier dins l'gardin ed' min père
au refrain
L'sam'di grand nettoyache alle artournot l'mason
Passot l'loque d'sus l'carlache el mason sintot bon
Acatot au marqué ed quoi nous s'arboter
Cousot nou rabillures pour qu'in euche bielle allure
au refrain