J'SUS PAS COMME LES Z'AUTES
Paroles de Bertrand COCQ
Musique de Simon COLLIEZ
L'jour que j'sus v'nu au monte,
Eune vielle sage-femme a dit tout haut,
Ej' cros qu'i faut l'arfonte
Je n'ai jamais vu un si gros!.
Quand matante alle est v'nue
Pour em' vire à l'maternité,
Alle a crié: Mon Diu,
Ravisez cha comme il est laid!
A l'école maternelle
Madame, pourtant pas sainte nitouche,
Du pus long qu'al s'rappelle,
N'avot jamais vu un si rouche.
El' jour de m'communion,
Monsieur l'curé tout confondu,
A crié: min garchon,
Ch'est incroyape comme i'est tordu!
Refrain
Cha n'est pas de m'faute
J'sus pas comme les autes
J'ai rien fait pour, ch'est la nature...
Cha n'est pas de m'faute
J'sus pas comme les autes
J'vos bien qu'il a eune drôle d'allure...
Cha n'est pas de m'faute
J'sus pas comme les autes
Ches gins i font rien qu'à s'moquer,
Cha n'est pas de m'faute
J'sus pas comme les autes
Tant pis, mi j'peux rien y canger.
Quand j'ai passé la r'vue,
Ch'l'adjudant i m'a dit ch'est fou
Pourtant j'n'ai déjà vu,
Mais ch'ti là i'a des poils in d'sous
Em' femme in rigolant
Arrivé l'soir ed' nou mariache
A dit ch'est étonnant
J'pinsos pas qu'il étot si large!
Min meilleux camarate,
I m'donne un consel amical:
Défile à l'cavalcate
Et t'auras t'photo dins ch'journal.
Ch'voisin treuve que j'sus bête
A t'plache j'arrêt'ros d'travailler
Et' fortune alle est faite
Va donc el' faire vire à l'télé.
au refrain
J'ai té à l'hôpital,
El' chirurgien i n'aurot brait,
Il est monumintal
Ej' cros que j'peux pas l'opérer,
Alors j'ai décidé,
Vu qu'la nature m'a fait comme cha,
Même si cha vous déplaît
Min nez ej' va l'garder comme cha.!