Marie qu'alle est benache

MARIE QU'ALLE EST BENACHE Paroles de Adéodat LARIVIERE Musique de Simon COLLIEZ Marie t'es v'nue au monte un matin du 15 Août Pour tartous à la ronte t'étos mignonne comme tout Comme t'as fait irruption el jour ed l'Assomption Tin père à la mairie t'as déclarée "Marie" Marie Marie ô Marie Marie ch'est l'plus belle du villache Marie Marie ô Marie Marie qu'alle est bénache Marie qu'alle est bénache in t'a app'lée comme cha Rapport qu'à tin mariache t'as dit qu't'étos comme cha Et pis cha t'a resté ch'est i pas mieux comme cha Toudis in s'a rapp'lé tes noces sans tralala Marie Marie ô Marie Marie el jour ed sin mariache Marie Marie ô Marie Marie qu'alle est bénache T'as toudis travaillé comme avant de t'marier T'as jamais arnonché à laver à r'passer T'as él'vé tes infants qui sont dev'nus quelqu'un T'oublios pas pour cha ed rinte service aux gins Marie Marie ô Marie Marie alle a fait bon ménache Marie Marie ô Marie Marie qu'alle est bénache Eun' fos la guerre fini quand t'n'homme i'est arvénu Ch'est là qu'in a compris qu'té t'avos bien battue Et qu'sans faire mine de rien t'as muché des soldats Quéhus un bieau matin du ciel du Canada Marie Marie ô Marie Marie alle a eu du courache Marie Marie ô Marie Marie qu'alle est bénache La vie pour ti Marie n'a pas été facile Souvint dins nous pays y'a d'quoi s'faire gramint d'bile T'as toudis mérité au plus fort des oraches Qu'in t'appelle d'amitié " Marie qu'alle est bénache" Marie Marie ô Marie Marie t'avos l'coeur à l'ouvrache Marie Marie ô Marie Marie qu'alle est bénache