LAICHEZ NOUS NOS TERRILS
Paroles de Bernard BOURGEOIS
Musique de Simon COLLIEZ
J' ai pas été à l' fosse
Min père y' a pas voulu
Mais j' ai d' maux à min coeur
Quand je m' promène dins l' rue
Avant in y véyot
Haut et majestueux
Einne montagne ed caillos
Un souv' nir pour chés vieux
Et voilà qu' in s' inliève
Paraît qu' in in a d' trop
Mais pour chés vieux mineurs
Ch' est comme un coup d' coutieau
Ch' tot des tonnes ed sueurs
Des milliers d' Galibots
Et pis ch' pain d' alouette
Avec ech vieux boutlot
REFRAIN :
Laichez nous nos terrils
Laichez nous nos terrils
Cha fait partie du paysache
Ch' est toute l' histoire ed nos gueules noires
Ch' est à nos taions à nos pères
Qui ont armonté cha d' sous terre
Laichez nous nos terrils
Laichez nous nos terrils
Plus tard ch' est sur des cartes postales
Qu' in expliquera à nos gosses
C' que ch' étot que chés grosses montagnes
Armontées du fin fond de l' fosse
Et pour nos p' tits éfants
Quoi qui va leu rester
Du souv' nir d' einne époque
Même pas un chevalet
Ch' terril ch' t' un monument
A la gloire du mineur
Et pis aussi de s' femme
Qui attindot dins l' peur
Pour ceux qui ont souffert
Pour qu' on allume sin fu
Pour ceux qui sont restés
Qu' in a jamais arvus
I faut leu rinde justice
A ceux qui ont trimés
Et qui voient leur terril
Tout duch' mint s' in aller
(au refrain)