MIN BIEAU VELO
Paroles de Jean-Marie LEFEVRE
Musique de Simon COLLIEZ
Y' avot à peine six mois que j' étos à la r' traite
Que déjà j' m' innuyos j' savos pus à quoi m' met'
Ej' devenos tout à rien j' me suis dit Simon
Faut faire quette cosse et qu' te treufes einne occupation
Pourquoi t' essaieros pas ed faire d' einne pierre deux coups
Faire fonte tin bidon et pis dérouiller tes g'noux
Car el' foot et l' tennis cha n' m' a pas réussi
Alors final'mint ch' est l' vélo que j' ai choisi
REFRAIN :
J' ai accaté un bieau vélo
Tout équipé in Shimano
I faut vénir em' vire tous les dimanches matin
In train d' user mes boyaux sur tous les quémins
Mi j' in connos un bon rayon
Sur les pédales sur les bidons
Ej' peux vous dire combien que m' chaîne alle a d' maillons
Et pis aussi combien qu' y a d' dints sur mes pignons
I faut que j' vous dise qu' au début j' in ai sué
Cha faisot pus d' vingt ans que j' n' avos pas roulé
J' avos el' popotin complét' mint démoli
Des crampes à mes molets et mes poumons garzis
Mais j' ai continué sérieus' mint m' n' entrain' ment
Ej' roule ed' plus in plus dins n' importe quel temps
Tant et si bien pour faire honneur à min maillot
J' me suis inscrit ch' t' année pour faire Lille Hardelot
(au refrain)
Em femme rabat-joie alle me répèt' tout l' temps
Qu' alle est toudis toute seule les tros quarts du temps
Que pour faire cha ej peux artourner vire em mère
Ou bien alors d' aller louer einne chambre à Aire
Mi j' ai bien l' impression que ch' est elle qui débloque
I faut que j' mett' un frein à ses idées loufoques
Peut ête qu' elle aussi alle voudrot faire du vélo
Etant donné sin poids y' in faudrot un costaud
(au refrain)