T’ES PAS PARTIE MEMERE
Paroles de Bertrand COCQ
Musique de Simon COLLIEZ
J' cros que j' z' ai méritées
Les calottes sur min nez
Quand j' té poussos à bout
T' avos raison j' l' avoue ,mémère
Mais je n' comprenos pas
Qu' té m' prenos dins tes bras
Té brayos avec mi
In m' appelant "min pitit" ,mémère
J' peux te l' dire vraimint
I piquot pas tellemint
L' savon qui m' aveuglot
Té sais quand te m' lavos ,mémère
J' peux te l' dire à ch' t’heure
Ej' brayos pour du beurre
Quand té trouvos des noeuds
In faijant mes caveux ,mémère
REFRAIN :
T'es pas partie mémère
T'es pas partie
Elle vole toudis dins l' air
Et' poute de riz
T'es pas trop loin mémère
T'es pas trop loin
Et' n'ieau d' Cologne pas chère
Je l'sins toudis bien
J' t'ai toudis vue in noir
J'ai compris bien plus tard
Que t' avos arrêté
Ed' rire et pis d'canter ,mémère
El' jour où l' fosse t'a pris
Tin dernier tin pitit
El' jour où l' fosse t'a pris
Einne grosse partie de t'vie ,min père
(au refrain)
A ch' t'heure j' vais pas souvint
Au cim'tière à l' Toussaint
J' ai pas b'soin d' chrysanthème
Pour te dire que je t'aime,mémère
Ch' est pas sûr qu' té comprinches
Si j' prinds m' lanque du diminche
I aura bien moins d' manière
Si j' dis que j' t'avos quaire ,mémère
(au refrain)