EM’VOISINE
ALLE FAIT DU BODY BUILDING
Paroles et Musique de Simon COLLIEZ
Y’a dix ans qu’in s’croise tous les jours
Tous les matins in s’dit bonjour
Mais d’pis un momint j’ai compris
Qu’alle avot el béguin pour mi
Sitôt que j’mets min nez dehors
Comme par hasard i faut qu’alle sort
Alle dot ête in train de m’miler
Derrière sin rideau tout l’journée
J’vos pas du tout c’que j’ai pu faire
Et incore moins c’que j’ai pu dire
Mais j’arrive pas à min défaire
El pire ch’est que j’ai peur d’li dire
REFRAIN
Em’ voisine alle fait du Body building
Ch’est pas pour dire mais faut vire cha l’engin
Em’ voisine alle fait du Body building
Alle a des bras comme des sacs ed chimint
Ch’est comme dirot Schwarzenegger
Et aussi Rambo réunis
A elle toute seule alle fait la paire
Ch’est pour cha qu’devant elle je m’fais tout pitit
Em’ voisine alle fait du Body building
Alle est carrée comme un camion poubelle
Em’ voisine alle fait du Body building
Alle a des mains aussi larges qu’einne païelle
Etant donné el gabarit
Avec elle ej s’ros à l’abri
El premier qui vient qui m’imbête
Ch’est certain d’einne claque all’ li décroche s’tête
Et quand je n’sors pas de l’maison
Alle treuve toudis einne occasion
Sur quand j’intinds taper à l’porte
Ch’est elle i i’armanque cor quetcosse
Et pire ch’est quand alle est rintrée
Je n’peux pus m’in débarrasser
Einne fos qu’alle comminche a parler
Y’a pus moyen ed l’arrêter
J’ai bieau i dire faut que j’m’in alle
J’ai rindez vous j’ai du traval
Je n’sais pas si alle comprind pas
Mais l’mette dehors j’ai peur j’ose pas
Au refrain