JE N’SUS PUS BIN PORTANT
Paroles de Jean-Marie CERF
Musique de Simon COLLIEZ
Je n’sus pus bin portant… ej sus dur ed la feul’
Tous les jours je m’rével’ sans avoir fremé l’oeul.
J’ai les mains toutes tordues, ch’est pire que mes dogts d’pieds.
Mes g’noux sont comme em’ tiête, i sont aussi gonflés.
Sans leunettes je n’vos pas pus lon que l’bout d’mes yux.
Dù qu’j’ai des hémorroïdes in dirot qu’y a du fu !
REFRAIN
J’ai un pied dins la tombe, in parle d’m’amputer,
Chés méd’cins cha l’z’amuse, i n’pinsent qu’à m’charcuter ;
J’sus toudis su l’billard, j’vous jure ch’est pas inne vie,
Chaque fos je m’dis cha y est… ch’est l’heure de m’n’autopsie.
Pour qu’j’artreuve la santé em femme fait des prières :
Alle n’a pas pus d’succès qu’à juer au millionnaire !
Je n’sus pus bin portant…mes poumons n’s’ont pas bieaux ;
J’ai d’mau pour faire pipi, mes reins sont pleins d’caïaux ;
Mes oches sont déglingués, cha craque d’tous les côtés ;
Mes guiboles alles flageolent, pour marcher faut m’pousser.
Min vint’ fait peur à vir, i est piqu’té d’points d’soudure ;
J’ai l’derrière in avant, cha m’donne pas belle allure !
Au refrain
Je n’sus pus bin portant… min cœur i fait douc-douque ;
In m’a inl’vé mes dints et m’langue s’promène dins m’bouque.
Si jamais j’ris trop fort, m’n’appindice m’décatoule ;
Ej n’ai pus l’drot d’feumer, et cha cha m’rind maboule.
J’sus chauve du haut in bas, paraît qu’ch’est les cachets ;
Par cont’ el pilule bleue cha m’fait… aucun effet !
Au refrain