LA CUISINE DES CHTIMIS
Paroles de René DOUNIAUX
Musique de Simon COLLIEZ
Quand j’étos pitit j’allos minger à l’cantine
Y’a rien qui passot je n’pouvos rin avaler
El viande bouillie les légumes cuits ou les sardines
Fallot drôl’mint ête fort pour les différincier
Et à l’maison ch’étot à peu près el même chose
Minche chi minche cha té vos ch’est bon pour la santé
Min père disot : « que tête ed’mule, que sale gosse »
Seul’mint y’avot qu’li qu’i‘avot l’air de s’régaler
Tous les jeudis jours bénis de vacances
In m’invéyot minger à mon grand-mère Hortense
Pour cuisiner ch’étot la reine intre nous
Alle me faijot des bons petits plats de chez nous
Ed l’andouille d’Aire d’l’andouillette ed Cambrai
Du Potchevleesh inne pomme de terre et un sauret
Des moules frites ou un bon bouillon
Des carbonnades inne salade ed chicons
Tarte au Maroille et tarte au chuque
La vie est belle alors que deminder ed pus
Em’grand mère dijot vas y minche min pitit
Y’a rien d’meilleur que la bonne cuisine des chtimis
Au régimint tous intassés au réfectoire
Rien qu’à l’odeur t’avos tout d’suite compris l’histoire
Y’avot l’poulet qu’i’étot servi avec ses plumes
Et les rognons qu’i’étotent aussi durs qu’inne enclume
Sur les pichons afin d’gagner du temps peut être
L’cuistot laichot el tête el queue et les arêtes
Et mi je m’disos in ravisant el pauve bête
Qu’alle a mis du temps avant d’finir dins m’n’assiette
Mais quel bonheur les jours ed permission
Grand-mère Hortense me préparot un bon gueul’ton
Ach’t’heure ch’est dins les self service qu’in va minger
Pour ête servi faut faire la queue ch’est obligé
Et derriere ti y’a des tas d’gins qui sont pressés
Bétot qui t’montrottent ed sus pour et’ dépasser
Quand t’a choisi faut cor equ’ té passes à la caisse
Et là t’attinds parc’que l’caissière alle a pus d’pièches
Quand au bout d’un momint alle s’est fait dépanner
Tin plat i’est frod in plus i’est tout ratatiné
Heureus’mint m’femme mi et pis mes éfants
Tous les diminches in va minger chez grand maman