MAIS QUO QU’ALLE A QU’ALLE BRAIT
Paroles de Jean-Marie LEFEVRE
Musique de Simon COLLIEZ
Mon onc’ i s’fait de l’bile avec em’ tante Irma
Alle tient pas su ses quilles et cha fait du dégat
Alle est souvint par terre alle va s’casser quet’cosse
Faut toudis ête derrière alle est pire equ’ chés gosses
L’aut’ jour à l’pêque au blanc au momint d’amorcer
Mon onc’ i d’vient tout blanc in l’véyant es léver
Avant qu’i n’ait eu l’temps d’i dire ed pas faire l’âne
Alle étot queute à l’ieau in intrainant chés cannes
Refrain
Mais quo qu’alle a qu’alle brait
Ben alle a qu’alle a queu
Alle est couverte ed traits
Pas du tout ch’est des bleus
A forche de s’ramasser
Pour un ouais pour un non
L’arc en ciel à côté
I fait tout palichon
Et pour vidéo gag allume et’caméra
Dins chés grands magasins Ch’est sûr que té l’verra
S’éch’per dins un fétu d’palle et pis dévaller
Avec un tas d’conserves ou bien dins chés balais
Au refrain
Au mariache ed min fiu alle devot faire el quête
Ch’tapis alle l’a pas vu i fallot baisser s’tête
In plein milieu d’l’Eglise alle s’est rétalée
Alle a lâché ch’l’assiette chés pièches alles z’ont valsé
Au refrain