NOU PATOIS
Paroles de Guy DUBOIS
Musique de Simon COLLIEZ
Nou patois ch' est l' manière qu' in dit nous contes
Ch' est de l' façon-là qu' in parlot tout l' monte
Ch' est l' langache ed nous viux ed nous aïeux
Et croyez-me y' a pas d' quoi n' ête honteux
Nou patois ch' est des mots bien à nous autes
Ch' est des tournures ed phrases qui ont l' air vieillottes
In parle comme cha sans aller à l' école
Un escargot cha n' est qu' einne caracole
Nou patois i cante el vint d' ichi
Et cha n' se comprind qu' avec des amis
In l' parlot déjà à l' récréation
Pour faire bisquer ch' clerc avec ses punitions
REFRAIN:
Rappelle-te les fleurs que té m' as jechtées
Dins ch' l' haïure alles sont restées incrinquées
In n' oublie pas les fabes ed La Fontaine
Dins nou coeur alles sont gravées nou rengaines
Acoute nou patois comme einne vraie canchon
Ch' est l' patois-tendresse pour sin p' tit garchon
Ch' est l' patois-rudesse ed nous travailleurs
Nou patois-poésie faut qu' té demeures
Nou patois nous trahit quand in voïache
Vite in arconnot l' langue ed sin villache
Monsieur vous devez être du Pas de Calais
Un dîner d' baptême ch' est einne bardalée
Nou patois i dit plat comme in dot dire
In n' peut pas comprinde équ' cha peut faire rire
Cha s' dit in musique avec des silences
In écrase des mots et y' a einne cadence
I est accroché à nou lanque nou patois
Quand qu' t' es perdu et qu' t' arconnos einne voix
T' es vite prêt à dire ch' est pas toi min frère
Tellemint qu' t' as cor querre l' parlache de t' terre
(au refrain)