SACRE GUSTIN
Paroles de Guy DUBOIS
Musique de Simon COLLIEZ
Tout l' famille alle est réunie autour de ch' berche
Ch' tiot sourit aux anches s' mère est belle comme l' sainte Vierche
A l' bardalée quand z' invités sont bien heureux
Té t' élièves sus t' caïelle pour canter avec eux
Au bal ed' samedi soir tous ches jonnes s' précipitent
Ches garchons passent leu temps à cacher einne pitite
Té vas juer de t' n' instrumint pindant tout l' nuit
Je m' deminte bien commint qu' i s' débroullerottent sans ti
REFRAIN:
Té n' s' ros pas là pour faire canter ches gins
La vie alle serot trisse sacré Gustin
Té n' séros pas là pour nous faire danser
In pass' rot nou vie à s' délaminter
Ches manèches sont montés aujourd' hui ch' est l' ducasse
T' es tranquille comme un pape y' a mi rien qui t' tracasse
Au cabaret parmi tous ches gins qui rigolent
Té t' mets à canter et à juer sus t' tardiole
T' es invité à ches fêtes et à ches mariaches
Quand qu' t' es avec eux ches gins i sont bien bénaches
J' vas chi promette einne affaire té peux n' ête certain
Qu' si j' sus président té s' ras dins ch' gouvernemint
REFRAIN:
Et té s' ras là pour faire canter ches gins
La vie ann' s' ra pus trisse sacré Gustin
Et té séras là pour nous faire danser
In pass' ra nou vie à bien rigoler