SI QU' I VOUDROTTENT...
Paroles de Guy DUBOIS
Musique de Simon COLLIEZ
Cha n' va pas fort raite dins tous ches gouvernemints
Et nou pauf monnaie alle in vient à moins que rien
Chaque jour in s' demande à qui qu' in va faire la guerre
A l' Ouest à l' Est au Sud au Nord in n' est pas clair
Pourtant cha n' s' rot pas difficile ed s' arringer
Et ch' est pour cha que mi j' continue à pinser
REFRAIN:
Si qu' i qu' i
Si qu' i qu' i
Si qu' i voudrottent i pourrottent
Si qu' i qu' i
Si qu' i qu' i
Si qu' i voudrettent i pourrettent
Min camarate pis mi quand on n' a l' occasion
Dù qu' in n' est pas connus in chasse l' jupon
Mais ches jonnes femmes d' à ch' t' heure cha n' est pus comme avant
I leu faut des sous des Rolls et i n' ont pus l' temps
Pourtant cha n' s' rot pas difficile ed s' arringer
Et ch' est pour cha que mi j' continue à pinser
(au refrain)
Avec em belle canne à pêque au bord de ch' ruicheau
J' vos passer des truites des roches des percots dins l' ieau
Cha fait bétôt chinq heures que j' frissonne dins mes loques
Et j' n' ai pas cor pêqué einne mitan d' épinoque
Pourtant cha n' s' rot pas difficile ed s' arringer
Et ch' est pour cha que mi j' continue à pinser
(au refrain)
Cha r' est l' momint d' faire t' déclaration d' impôts
Té dos rimplir et' feulle sans t' tromper d' zéro
Quand t' as tout marqué té l' donnes aux contributions
Et eusses i s' arringent pour t' faire einne belle soustraction
Pourtant cha n' s' rot pas difficile ed s' arringer
Et ch' est pour cha que mi j' continue à pinser
(au refrain)
Tous les jours ej' ravisse el météo à l' télé
I nous annonchent de l' pleufe du vint ou de l' gelée
Mais expliquez-me pourquoi et par queu hazard
I fait einne caleur ed diape deux-tros jours pus tard
Pourtant cha n' s' rot pas difficile ed s' arringer
Et ch' est pour cha que mi j' continue à pinser
(au refrain)