I’AUROT P’TET’ PU
Paroles de Jean-Marie CERF
Musique de Simon COLLIEZ
I’aurot p’tête pu ête un artiste
Canter avec des guitaristes
Dins ches salles pousser l’acoustique
Et faire brailler ses fanatiques
I’aurot p’tête pu ête fout’balleu
Dev’nir el meilleu des buteus
Ete acaté par z’étrangers
Et faire fortune avec ses pieds
Ch’est sûr qu’tout l’monde i parl’rot d’li
Et qu’i mén’rot un grand train d’vie
I’aurot p’tête pu ête un ministre
Et pourquoi pas l’premier del’ liste
Faire des promesses dins sin parlache
Ete tout in haut dins ches sondaches
I’aurot p’tête pu juer au tennis
Ete qualifié pou l’coupe Davis
Aclamé à Roland Garros
Et adulé par tous ches gosses
Ch’est sûr tout l’monde i parl’rot d’li
Et qu’i mén’rot un grand train d’vie
REFRAIN :
Mais i’a pas pu ou i’a pas su
L’pire ch’est que d’l’ouvrache i n’a pu
El pédégé l’a licencié
Et i’est chômeu ed longue durée
Mais i’a pas pu ou i’a pas su
L’pire ch’est que d’l’ouvrache i n’a pu
Bien sûr personne en’ parle d’li
Et i mêne eune bin triste vie
I’aurot p’ête pu faire du ciné
Pour ches Oscars ête nominé
Dins ches grands films ête el vedette
Ete adoré par chés minettes
I’aurot p’tête pu ête pédégé
Faire des profits à l’étranger
Vouloir l’bonheur d’ches ouvriers
Et pourquoi pas en’ n’imbaucher
Ch’est sûr tout l’monde i parl’rot d’li
Et qu’i mén’rot un grand train d’vie
(au refrain)