VLA LES CHICOUFS
Paroles de Bertrand COCQ
Musique de Simon COLLIEZ
Ch'est l'mos d'juillet, le début des vacances,
Vlà ches pitits à mon pépé mémé,
Car leurs parints i n'ont pas gramint d'chance,
I n'ont quinze jours, au mois d'août comme congés.
Fini Derrick, indormi dins ch'fauteul
Fini la sieste, i faut les occuper
I faut toudis sur eux avoir un oeul,
Car ches jones là, i n'savent pus s'innuyer!
J'ai essayé d'les im'ner dins ch'gardin
Mais finalemint j'ai du vite arnoncher
Bout d'deux minutes cha a touné vilain
Et i s'battotent déja à coups d'groets!
J'pinsos que l'pêque, ch'allot les amuser
Ch'étot eune belle journée i faijot bieau
A l'épuisette, j'ai du les rassaquer
A peine arrivés, i sont keus dins l'ieau!
REFRAIN
Vla les chicoufs, vlà les chicoufs,
Chic i z'arrifent, ouf i s'arvont!
Vlà les chicoufs, vlà les chicoufs,
I sont r'partis à lu maison
Vlà les chicoufs, vlà les chisoufs,
Chic i z'arrifent, ouf in z'ardonne
Vlà les chicoufs, vlà les chicoufs,
Ch'tot bien quand in étot plus jones!
De l'confiture, ch'tot eune idée d'mémé
Les vlà partis pour cueillir des catins
Ch'est aux urgences que cha s'est terminé
Du barbelé intiqué dins leus mains!
Autour de l'tape, i ont jué aux bidets
I z'ont jechté ches dés un peu trop fort
Ch'carreau d'véranda i a pas résisté
J'ai mis eune planque pour pas qu'in seuche dehors
Au bout d'eune semaine, in avot fait l'tour,
In n'avot pus rien à leur proposer,
Mais ches jones là, i n'sont jamais pris d'court,
D'leur valise eune tablette i z'ont dessaquée
Des heures d'long i nous ont amoutré
Des jux qu'in savot pas qu'cha existot
Et pindint trois s'maines, mémé acharnée
Alle voulot pus laicher juer ches tiots!
Au refrain
Vla les chicoufs, vlà les chicoufs,
Chic i z'arrifent, ouf i s'arvont!
Vlà les chicoufs, vlà les chicoufs,
I sont r'partis à lu maison
Vlà les chicoufs, vlà les chicoufs,
La fin du mos est arrivée
Vlà les chicoufs, vlà les chicoufs,
Et in comminche à s'innuyer!