J' PREFERE RESTER CELIBATAIRE
Paroles et Musique de Simon COLLIEZ
Quand j' vos min bieau-frère
Commint qu' i est arringé
Après cha in s' étonne
Que j' cache pas à m' marier
I in vot d' toutes les couleurs
Par es' femme et ch' est m' soeur
Vous comprenez pourquoi
L' mariache i m' fait peur
In déhors de s' maison
Là ch' n' est pus l' même garchon
I faut l' vir s' amuser
I essaie d' in profiter
Car einne fos qu' alle est là
Ch' est pus du tout l' même gars
I va s' foute dins un coin
I n' bouche pus i n' dit rien
(au refrain)
Alle est sec comme un clou
A peine si alle tient d' bout
J' sus sûr qu' un courant d' air
Cha l' férot querre par terre
In guise d' épouvantal
Là alle f' rot du traval
Tous ches cats ches monieaux
Pus einne bête qui viendrot
Même mi qu' ch' est m' prop' soeur
J' avoue que j' in ai peur
Suffit qu' alle crie un coup
J' mets mes gampes à min cou
Même ech tchien de ch' voisin
Quand i l' vot s' approcher
I s' met à faire el leu
I n' sait pus dù s' jechter
(au refrain)
REFRAIN:
Mi j' in connos pas gramint
Après sept ans d' mariache
Qui m' disent gramint d' bien
Quand i parlent d' lu femme
I leur donnent un surnom
Et i leur donnent avec raison
Ch' est des dragons ch' est des poisons
Ch' est la misère ch' est un calvaire
Quand j' intinds cha
J' préfère rester célibataire
Quand i étot qu' fiancé
Là ch' étot l' grand amour
Mais d' pis l' temps qu' i est marié
Ch' est l' enfer tous les jours
Des p' tits bisous par chi
Des p' tites caresses par là
J' cros qu' cha n' dure jamais bien
Longtemps tous ches jux là
Si seul' mint y' avot qu' li
Qui ménot l' vie qui vit
Je m' diros comme cha
Tiens ch' est p' t-ête de s' faute à li
Comme cha y' a min bieau-frère
Mes copains même min père
Qui m' disent toudis
Ah si j' avos min coup à r' faire
(au refrain)