ET IN ATTIND
Paroles de René DOUNIAUX
Musique de Simon COLLIEZ
Si un jour té décides d'voyager par el train
Ch'est couru d'avanche i va falloir que t'attinds
Eune voix douche alle t'annonche dins les haut-parleurs
Mesdames Messieurs l'départ est retardé d'une heure
Un incident indépendant d'notre volonté
ch'est pas d'bol va falloir poireauter sur el quai
Et ch'est là que té t'démindes in faijant grise mine
Si chaque fos qu'i sont à la bourre i z'ont eune prime
Et in attind et in attind
In a bieau dire in a bieau faire
Cha fait partie du quotidien
Et in attind et in attind
Ch'est toudis l'même refrain
In attind in attind
Quand i t'arrive d'aller consulter tin méd'cin
Faudra un momint avant qu'i t'prenne ch'est certain
In espérant pour ti qu'cha n'est pas eune urgence
Sinon t'as plus vite fait d'appeler l'ambulance
Dins l'salle d'attente y'in a qui manquent ed s'indormir
Mais quand l'docteur arrive personne n'ose rien dire
Mi j'ai enfin compris in y réfléchissant
Qu'in parlant d'ses malates i l'z'appelle ses patients
au refrain
Quand té prinds l'téléphone pour eune réclamation
L'tros quarts du temps ch'est l'serveur vocal qui t'répond
T'intinds dire nous recherchons votre correspondant
I t'répète cha cent fos té peux attinde longtemps
El jour que poireauter cha deviendra un sport
Sûr que nous autes les Français in s'ra les plus forts
Si in pouvot récupérer el temps perdu
Eune chose est sûre in vivrot au moins vingt ans d'pus
au refrain
L'jour qu't'as rendez-vous avec el' fille de tes rêves
In priant pour qu'ches autobus n'soient pas in grève
Mais té res'tras un momint à faire el poireau
Alle arrivr'a té n'diras rien l'amour ch'est bieau
Et je n'parle pas du bouquet d'fleurs que t'as ram'né
Alle te dira que ch'est pas ses fleurs préférées
In haussant les épaules té pins'ras ch'est certain
J'ai d'la chance alle aurot pu m'poser un lapin
au refrain