In n'a pus d'sous

IN N'A PUS D'SOUS Paroles de René DOUNIAUX Musique de Simon COLLIEZ Si j'tenos l'rigolo qui'a dit l'argint fait pas l'bonheur Ch'est sûr mes gins que j'li f'ros passer un mauvais quart d'heure Quand il a sorti cha i d'vot ête complèt'mint bourré Ou bien i gagnot pus d'sous qui n'pouvot in dépinser Pour nous eune chose est sûr tout cha cha nous arriv'ra pas La vie est dure surtout les vingt cinq derniers jour du mois In nous prétind que les impôts sont revus à la baisse Mais mi un pot ch'est pas assez i m'in faut toute eune caisse J'me suis rindu compte y'a deux choses qui chutent cha j'vous l'assure Ch'est le pouvoir d'achat et pis l'hiver l'température Et je n'vous parle pas du moral qu'in a dins les chaussettes Je n'sais pas du qu'in va mais in i va tous bille in tête REFRAIN In n'a pus d'sous in n'a pus d'sous Avec tout c'qu'in a à payer El pognon s'barre vitesse grand v In n'a pus d'sous in n'a pus d'sous Même in essayant ed gratter I reste pus rien dins l'porte monnaie In n'a pus d'sous in n'a pus d'sous In nous deminde de s'priver et d'ête patient De n'pas sin faire cha ira mieux dins cinquante ans Pour les vacances aujourd'hui in s'éloigne pus d'note Eglise Certains veinards à l'étranger vont poser lus valises I'in a qui s'contintent de n'faire que des allers et retours Mais quand i arviennent leus valises alle pèsent gramint moins lourd Des valises mi aussi j'in ai mais à quoi bon partir Vers un aute pays surtout quand t'as rien pour les rimplirs au refrain Et pan voilà in nous deminde d'arrêter d'fumer Boire ou conduire aujourd'hui i n'faut même pus i pinser Surtout que l'carburant devient aussi cher que l'pinard Et pis l'tabac mes amis il est au même prix que l'caviard Tout cheux qui on pon du cha i n'on pas à s'inquiéter I nous disent cher Français faites ce qu'on dit mais pas c'qu'on fait au refrain