SI T'ARVIENDROS PEPERE
Paroles de Jean-Marie CERF
Musique de Simon COLLIEZ
Si t'arviendros Pépère t'n'intindros pus chés mots
Eq t'as tant rabachés pa d'zous terre au boulot
Pus personne ne t'parl'rot du carbon d'l'abatache
Du porion des puteux de l'talle ou du herchache
Si t'arviendros quo qu't'in pins'ros Pépère
Si t'arviendros quo qu't'in pins'ros Pépère
Si t'arviendros Pépère té s'ros minme étonné
Passe que chés jonnes t'prindrottent pour un étranger
Si té parl'ros d'féniesse d'escaillache ou d'bowette
Ed cuv'lache ed gaillette ed riv'laine ou d'taillette
Si t'arviendros quo qu't'in pins'ros Pépère
Si t'arviendros quo qu't'in pins'ros Pépère
Si t'arviendros Pépère té s'ros poutant bénache
D'arsortir tous chés mots qu'té dijos à l'ouvrache
Seul'mint bout'feu beurtia criblache ou bin cafu
Et tous tes mots d'mineur achteure cha n'se dit pus
Si t'arviendros quo qu't'in pins'ros Pépère
Si t'arviendros quo qu't'in pins'ros Pépère
Si t'arviendros Pépère té d'mindros l'coeur poché
Dù qu'ch'est qu'tes pitits fiux z'ont appris à parler
Ordinateur email internet cyberpoint
Pout ti cha s'rot d'l'ébreu que té n'comprindros point
Si t'arviendros quo qu't'in pins'ros Pépère
Si t'arviendros quo qu't'in pins'ros Pépère
Si t'arviendros Pépère j'sais bin qu'cha t'frot quette cosse
D'intind' chés mots d'achteure mais pus tes mots del fosse
Mais n'seuche point défoutu si n'y'a pus tin parlache
T'es toudis dins nou et t'y tiens inne grande plache
Si t'arviendros quo qu't'in pins'ros Pépère
Si t'arviendros quo qu't'in pins'ros Pépère
Si t'arviendros quo qu't'in pins'ros Pépère
Si t'arviendros mais ch'n'est qu'un rêfe Pépère