MIN BIEAU GARCHON
Paroles et Musique de Simon COLLIEZ
Min bieau garchon qui vivot à Paris
Cha fait six mos qu' i est r' venu par ichi
Je n' comprinds pas un jour i m' avot dit
Qu' i gagnot tros fos d' plus que par ichi
Qu' il avot einne très belle situation
Qu' i étot camarate avec sin patron
Faut dire qu' avec li faut s' attinde à tout
Ch' est l' genre ed' gars qui a tout fait qui sait tout
I a pris l' accent des titis parisiens
Es' bouque alle va gramint plus que ses mains
In peut jamais avoir einne discussion
Monsieur i veut toudis avoir raison
In plus i s' mêle de c' qui n' l' argarde pas
Là i tient cha de s' mère alle est comme cha
Avec cha j' plains m' fille alle est bien montée
Je m' demande bien c' qu' alle a pu i trouver
REFRAIN:
Ch' est li l' plus grand
L' plus fort l' plus bieau
Min bieau garchon
Il a tout vu
Tout fait et tout connu
Min bieau garchon
I sait tout faire
Il arsanne min bieau père
Min bieau garchon
Ch' est li qui l' dit
Ch' est c' qu' i pinse ch' est c' qu' i crot
Min bieau garchon
I faut l' vir travailler dins sin gardin
Enfin quand j' dis travailler ch' est gramint
Il est là affalé sur sin louchet
A s' deminder par quel bout commincher
Heureusemint qu' ses voisins i sont là
Autremint des légumes i n' érot pas
I arconnot pas un radis d' un navet
Après cha cha va s' dire maîte gardinier
(au refrain)
Quand i parle ed' bricoler dins s' maison
Là cha devient einne vraie expédition
Es' femme alle prind ses tchiots et pis sin tchien
I faut vir l' tableau quand alle arvient
Il est rimpli d' pansements de l' tête aux pieds
C' qu' i avot à faire i n' est toudis pas fait
Bien sûr cha n' est jamais de s' faute à li
I arqueut toudis sur des mauvais outils
(au refrain)