Nous on in a assez

NOUS ON IN A ASSEZ Paroles et Musique de Simon COLLIEZ Quand i nous font la cour In n' peut pas plus docile Et jusqu' au dernier jour I font tous nos caprices On peut tout lu d' mander I sont là prêts à tout I s' fairottent même tuer Qu' i disent s' il le fallot pour nous I nous font des cadeaux I nous font des promesses Et nous autes on les crot Y' ont tellemint belle manière Mais dès qu' i sont mariés Ch' est pus les mêmes bonhommes Faut pus rien lu d' mander I nous prennent pour lu bonnes (au refrain) L' mien i s' lève el matin Tandis qu' monsieur i s' rase Faut que j' li beurre sin pain Que j' li cire ses godasses Quand i rinte à midi Ses pieds in d' sous de l' table I faut l' servir tout cuit I bougerot pas einne patte L' mien quand i est à l' maison Rien qu' à l' vir j' m' énerve I est là qui tourne in rond I sait jamais quoi faire Si ji donne du boulot Il est vite décampé I monte sur sin vélo Il arvient deux trois heures après (au refrain) REFRAIN: Nous on in a assez Nous on in a assez On in a assez d' ête vous bonniches Nous on in a assez Nous on in a assez On in a assez d' faire vous caprices Nous aussi on va fêter Sainte Barbe et pis Saint Eloi Faire la tournée des cafés Faire la fête et la java Tous les problèmes de l' maison Les gamelles et les bidons Nous on in a assez Tous les vendredis soir Pour aller faire les courses Ch' est toudis l' même histoire Et ch' est toudis la course I a jamais l' temps de rien Il est toudis pressé Sauf el dimanche matin Pour li aller faire sin tiercé Faut ête à ses p' tits soins Sitôt qu' il a quette cosse Et pour un rien i s' plaint Il est pire qu' un vrai gosse I veut juer les durs Mais quand i s' prind einne cuite L' lend' main i rase les murs Il est mou comme einne chique (au refrain)