EL MAROILLES
Paroles et Musique de
Simon COLLIEZ
J'ai connu Annabelle eune belle brune aux yux bleus
Ch'est vrai qu'alle étot belle j'in étos amoureux
Ch'tot dev'nu un calvaire je n'pouvos pus rien dire
Je n'pouvos pus rien faire je n'pouvos pus sortir
J'savos pas commint faire pour m'in débarrasser
Soudain comme eune éclair i m'est v'nu eune idée
J'ai pris un peu d'maroilles juste avant l'rendez vous
Alle a ch'est radical mis les gampes à sin cou
REFRAIN
El maroilles eune fos qu'té l'as goûté
Ch't'un régal té peux pus t'in passer
Y'a un goût qui te colle au palais
Eune odeur qui te reste dins l'nez
I vaut miux pas in mette su tes mains
Ej t'assure in fait miux comme parfum
El maroilles les rognons les choux et les tripes
Té partages l'odeur et tout l'monte in profite
Un bieau jour j'arvénos ed faire les commissions
Ej n'avos plein m'n'auto l'fromache sintot pas bon
A l'sortie du village je m'sus fait contrôler
Et là un jeune gendarme m'a fait mette su l'côté
Y'a fait l'tour de m'n'auto il avot l'air sérieux
Noté min numéro passé s'main sur mes pneus
J'ai ouvert em' portière quand i s'est approché
I'est parti in arrière in criant "dégagez"
Au refrain
Un jour j'avos d'mindé eune tite augmentation
On se donne rendez-vous que m'a dit min patron
Ch'jour là j'avos mingé eune tartine au maroilles
Mais pour un rendez-vous ch'est p't'ête pas l'idéal
J'étos à peine rintré qu'il a fait eune grimace
Et in bouchant sin nez i ravise mes godasses
Passez donc à côté il y a ma secrétaire
Je vous ai augmenté moi je vais prendre l'air
Au refrain