I JUE DU TUBA
Parole et Musique
Simon COLLIEZ
Y'a l'tchiot ed min voisin
Dins sin genre i'est unique
I veut ête musicien
Il apprind la musique
Il aurot pu apprinte
De l'guitare électrique
Comme font tous les gamins
Des trucs électroniques
Pourquoi pas de l'trompette
Ou bien de l'clarinette
Même du saxophone
Ou alors du trombone
Mi j'aros préféré
Un d'ches instrumints là
Seul'mint y'a décidé
Ed juer du tuba
A peine rintré d'l'école
I sort es'n'instrumint
Des fos i fait eune pause
Et cha nous fait du bien
Y'a que vendredi soir
Qu'in est calme à l'maison
Il arjoint el fanfare
Pour les répétitions
L'veille d'eune fête nationale
In les vot tous dins l'cour
I répètent el programme
Sin père i'est au tambour
Tandis que l'mère et l'fille
Elles aussi alles répètent
Habillées alles défilent
Al'font les majorettes
In a su hier matin
Qu'il étot accepté
Suite à ches examens
Qu'i'étot même el premier
Qu'i'allot aller à Lille
Pour el conservatoire
Qu'in allot ête tranquille
A l'maison tous les soirs
In pourra raviser
Sans d'voir augmenter l'son
Nos séries préférées
Devant l'télévision
Mais s'mère est v'nue nous dire
Croyant nous faire plaisir
Que l'soir i sérot là
A juer du tuba