IN M'APPELLE MAC GYVER
Paroles et Musique de
Simon COLLIEZ
Hier matin in m'appelle j'étos core dins min lit
Pardon si j'te rével' ch'étot m'belle-soeur Marie
L'puisard est bouché y'a de l'ieau tout partout
L'maison est inondée j'in ai jusqu'à mes g'noux
Cha m'a pris un quart d'heure pour que l'ieau alle s'écoule
Mais j'sus resté deux heures à boire une tiote bistoule
j'étos à peine rintré que l'voisine alle m'appelle
S'n'évier étot bouché au momint de l' vaisselle
L'temps d'arprinte mes outils d'rinfiler min toile bleue
Avant qu'alle dise merci j'étos d'jà sur les lieux
Cha m'a pris un quart d'heure pour nettoyer l'syphon
Mais j'sus resté deux heures à boire un p'tit canon
REFRAIN
In m'appelle Mac Gyver
L'champion du bricolache
Et y'a rien qui m'fait peur
Ej répare ej rimplache
Mi y'a rien qui m'arrête
Je m'dis sans prétention
Là dù qu'y'a un problème
Ej treuve eune solution
Y'a aussi min voisin un beau jour i m'appelle
Y'a l'vertige il a peur ed monter à l'équelle
Suite à un gros orage eune tuile s'est envolée
J'ai grimpé su l'baraque el tuile j' l'ai rimplachée
Cha m'a pris un quart d'heure l'temps d'monter à l'équelle
Mais j'sus resté deux heures in a vidé l'boutelle
Y'a l'tiote voisine d'in face ch'est vrai qu'alle est bellotte
Seul'mint ch'est eune sécralle alle a pas gramint d'forche
Ej me sus proposé d'aller tonte es pelouse
J'ai l'temps j'sus artraité em femme n'est pas jalouse
Cha m'a pris eune tit' heure à i tonte es pelouse
Mais j'sus resté deux heures à boire eune bonne tite mousse
au refrain
Y'a min copain Bertrand i peut pus faire grand cosse
Passé soixante-cinq ans il est rimpli d'arthrose
Seul'mint dins sin gardin il a un gros noyer
Les noix quand ch'est l'momint il faut les ramasser
Cha m'a pris eune tite heure à remplir sin séau
Mais j'sus resté deux heures à printe l'apéro
au refrain
pour finir
Par contre ej n'ai jamais
Comminché em journée
J'pourros pas travailler
Sans prindre min p'tit café
Au lait