J'VOUDROS ETE EUNE PETITE SOURIS
Paroles et Musique de
Simon COLLIEZ
Y'a ch'ti au bout de l'rue un ancien militaire
Y'a tout vu tout connu il a fait toutes les guerres
I va te raconter des trucs un peu bidons
Du genre qu'il a croisé un jour Napoléon
Ch'est un ancien gradé si cha n'ténot qu'à li
Tout l'monde i f'rot l'armée l'piston cha s'rot fini
Si y'étot président cha s'pass'rot pas comme cha
Et tous les tire-au-flanc devrottent marcher au pas
Refrain
J'voudros ête eune pétite souris
Aller de maison in maison
Pouvoir intinte tout cha qui s'dit
Savoir c'qui s'passe dins ch'coron
Sûr que je m'féros tout pitit
Je m'plaqu'ros dins un pitit coin
Bien au caud et bien à l'abri
In attindant un éven'mint
Tout dépind'rot aussi des restes
C'qui resterot dins lu assiette
Ou sinon j'iros vire ailleurs
Si leur cuisine alle est meilleure
Certaine maison j'féros qu'passer
Et si les gins sont pas marrants
J'iros dins l'maison d'a côté
Vire si ch'est plus intéressant
Y'a l'coupe qui reste in face deux jeunes artraités
I z'adorent les voyaches et ch'est tout l'long d'l'année
Des fos pour deux trois s'maines des fos pour un week-end
Tout dépind des saisons du prix des locations
I z'ont un jeune voisin li il est au chômache
I n'a pas les moyens de s'payer un voyache
Des fos i z'ont l'culot d'l'i dire qui n'ont pus d'sous
Et qu'i'z'ont bien du mau à joindre les deux bouts
au refrain
Y'a l'voisin d'à côté un jeune célibataire
L'physique d'un jeune premier avec un corps d'athlète
In n'sait pas cha qu'i fait à part qu'i est jamais là
Mais i dot bien gagner vu l'belle auto qu'il a
Ch'est vrai qu'il a du style qu'il a un charme fou
Cha rind folles toutes les filles cha rind les hommes jaloux
I z'ont été surpris les hommes soulagés
Quand hier i'z'ont appris que l'jeune homme i'étot gay
au refrain
(pour finir)
Un coup chez l'un un coup chez l'aute
Cha fait déjà deux coups d'passés
Et si jamais j'treuve pas grand cosse
Ej peux toudis canger d'quartier