L' HORLOCHE A MUSIQUE
Paroles de Jean CEENAEME
Musique de Simon COLLIEZ
J' ai intassé dins min garnier
Un tas d' bricoles qui servent à rien
Cha f' rot l' aubaine d' un chiffonnier
J' cros même qu' i n' trouv' rot pus les siens
Car dins les quate coins y' a quette cosse
Des vielles caïelles tout estropiées
Des monts d' vêt' mints des loques ed fosse
Ch' est l' paradis des araignées
Y' a même faut l' vir einne vielle armoire
Rimplie d' trésors du temps passé
Mais l' plus belle pièche vous pouvez m' croire
Alle me rappelle mes jeunes années
REFRAIN:
Ch' est einne horloche à musique
Qui roupille là d' pis un momint
S' tiot' musique patriotique
A réglé l' vie d' mes grands-parints
Ch' est einne horloche à musique
Qui fait la la la la
Quand j' armonte s' mécanique
La la la la
A l' époque alle étot fin belle
Trônant pa d' zeur ech grand fourniau
D' sus l' chéminée in n' veyot qu' elle
Et alle cantot comme un monieau
Ch' étot un air tout guilleret
D' sus l' rouleau i manquot des notes
Mais j' arvos là tout min passé
In acoutant juer l' mascotte
(au refrain)
V' là chi contée el tiote histoire
De l' pindule enfin réveillée
Qui dormot au fond de ch' l' armoire
Attindant qu' in vienne l' dérouiller
Car quand j' armonte s' mécanique
La v' là r' partie alle n' arrête pus
D' égratigner s' petite musique
Comme pour rattraper l' temps perdu
(au refrain)