MIN CAMARATE POLONAIS
Paroles de Guy DUBOIS
Musique de Simon COLLIEZ
In dix-neuf chint vingt chinq Czeslaw a débarqué
Avec es' femme ses éfants et tros quate paquets
I v' nottent d' Czestochowa l' pays de l' Vierge noire
Poussés par el misére cachant ichi l' espoir
Té l' as eu sec min viux camarate Polonais
D' baragouiner nou patois pour t' inrachiner
Garder ches traditions d' famille pour ches gosses
Saquer d' dins à l' bowette et t' faire mourir à l' fosse
REFRAIN:
Polka et mazurka vodka et pieprzowka
Canchons brayoires douches souv' nances de l' lointaine Polska
Bandonéons violons juent sus et' mandoline
Nazdrowie nos éfants ont du traval à l' mine
Polka et mazurka vodka et pieprzowka
Canchons du Nord et vielles rengaines ed tin dziadzia
Mandolines violons juent sus tin bandonéon
Nazdrowie nos éfants sauv' ront nous traditions
Té m' as souvint biné sus ches bancs à l' école
Et l' soir Tadek t' artrouvos t' n' âme slave aux Sokols
Ch' n' est point facile quand t' es un garchon d' émigrés
D' lire Narodowiec et d' juer aux mapes à l' récré
T' as suivi l' même quemin qu' mi Polonais min frère
Sus ches morts à l' fosse insanne in a été braire
In a armonté du fond tous deux esquintés
In a mené l' combat de l' solidarité
(au refrain)