QUAND IN EST MUSICIEN
Paroles de Jean-Marie LEFEVRE
Musique de Remy MIONT
REFRAIN:
Mi j' sus musi j' sus musicien
J' sus contint quand ej jus de m' n' instrumint
Toudis m' femme alle rouspète
Alle dit qu' y' a trop d' répèt'
Alle treuve que j' ai l' air bête
Quand j' intique m' casquette
Je m' fous pas mal de c' qu' alle peut dire
Dù qu' y' a d' la gêne y' a pas d' plaisir
J' sus fin bénache et alle n' y cang' ra rien
C' qu' on est contint quand in est musicien
L' année passée y' a eu un évén' ment
In a cangé d' bannière alle avot pus d' soixante-chinq ans
Comme tout i passe in sait dès à présent
Qu' i faudra bien un jour rinte sin costume et s' n' instrument
Mais ch' président i est là qui veille su nous
Pour que s' musique alle marche et qu' in soit bieau i est prêt à tout
I nous acoute jouer et i a bieau faire
Cha l' rind tell' mint ému qu' alors i s' met à braire
(au refrain)
Quand vient l' ducasse ej' saute dins min costume
Ech fais luire mes godasses pour défiler dins la commune
Pour bien jouer in tape in s' époumonne
Qu' in jue de l' clarinette du tambour ou bien du trombone
Quand ch' est fini in vient nous inviter
Un verre nous est offert par la municipalité
Ch' est ch' maire qui l' dit cha cha n' a pas cangé
Qui soit d' gauche ou bien d' droite ch' est toudis l' même couplet
(au refrain)
Mais l' pus bieau jour pour nous autes musiciens
Ch' est à la sainte Cécile et là chacun y met du sien
A ches répèt' in est vraimint sérieux
In suit chel partition et pis not' chef qui crie c' est mieux
Alle première heure quand l' jour i est arrivé
In s' artreuf dins l' église pour un concert très apprécié
Mais l' pus marrant pour nous autes ch' est ch' gueulton
In minche in bot in danse au son d' l' accordéon
(au refrain)