L' GALIBOT D' BIDET
Paroles de Jean CEENAEME
Musique de Simon COLLIEZ
Mi quand j' ai comminché à l' mine
Un de mes tous premiers boulots
Ch' tot d' courir devant les berlines
Du m' neux d' bidet j' tos l' galibot
Et au matin bien avant l' heure
Pour printe em lampe j' étos l' premier
Ch' étot pour mi comme un honneur
D' deschinte harnacher sin bidet
I fallot m' vir em débrouiller
L' béguin d' sus m' n' oeil l' air arrogant
Manier les sangles et ch' l' affilet
J' étos aussi fier qu' Artaban
(au refrain)
Avec Bébert l' méneux d' quévaux
Un fort gaillard aux bras musclés
El plus grosse taille on débloquot
Et pas question là d' s' amuser
Du quévau j' n' ai pas cor parlé
Ch' étot l' plus bieau de ch' l' écurie
L' plus fort et i savot compter
Jusqu' à vingt el brave Endurci
Endurci ch' étot es coutume
Quand i démarrot pour saquer
Sin train d' berlines une à une
I comminchot à calculer
(au refrain)
REFRAIN:
Allez a hue a hue a hue
Tiot galibot
Allez habile habile habile
Faut des berlines
Allez a hue a hue a hue
I' a pas d' repos
Quand in est méneux d' quévaux
Ch' étot meilleux qu' einne mécanique
Au d' sus d' vingt i s' arrêtot pile
Bébert i li donnot einne chique
Endurci n' bougeot pas d' un cil
Alors comme un vrai diplomate
In i caressant sin musieau
I r' sortot es blague à toubac
Et s' n' allot décrocher ch' limiau
Aussi avant que l' rame s' importe
Tiré par un si malin qu' vau
J' couros par d' vant ouvrir les portes
Et faire bien vite les contre-pods
(au refrain)
POUR FINIR
Ed temps in temps incore à ch' teur
Ej pinse à ti brave Endurci
D' tous les bidets t' étos l' meilleur
Et t' as ouvré pendant tout' vie
Bien souvint in n' t' a pas compris
Té' n' as r' chu des coups d' sus tin dos
Mais mi j' sais bien qu' t' es parti
Dins l' pâture au paradis des qu' vaux