SAINTE BARBE
Paroles de Jean CEENAEME
Musique de Simon COLLIEZ
Bonne Sainte Barbe nou chère patronne
Te v’la partie sans résister
Ti qui n’avot peur d’personne
Du fond de l’mine in t’as r’montée
Et je m’souviens du temps passé
Quand in t’fétot ah ! quelle histoire
L’journée là au lieu d’café
Dins nou musette i’avot d’quoi boire
REFRAIN
Sainte Barbe bonne Sainte Barbe
Compagne ed’nous joies et d’nous malheurs
Sainte Barbe bonne Sainte Barbe
Tous chés mineurs t’ont dins leux cœur
Sainte Barbe bonne Sainte Barbe
Compagne ed nous joies et d’nous malheurs
Sainte Barbe Protège incore tous tes mineurs
Même qu’in faijot un tiot banquet
Parfait’mint et tout in t’n’honneur
Bien sur ch’n’étot pas raffiné
In s’régalot ch’tot bin meilleur
Je m’souviens même qu’i’a eune année
Ech te dis cha ch’est véridique
I n’a un qui’avot dévalé
Un poulet tout cuit dins s’marmite
Au refrain
Parfos i n’avot un d’pompette
Ch’étot pas grafe in l’raménot
Jusqu'à s’maison in r’faisot fête
Ch’étot Sainte Barbe t’avos bon dos
Mais j’sus certain que dins nou cœur
Qu’in soit croyant ou bien athée
Sainte Barbe patronne des mineurs
Et plache al restera gravée
Au refrain