M’LAMPE D’MINEUR
Paroles de Jean CEENAEME
Musique de Simon COLLIEZ
Ah ! m’chère lampe à flamme compagne ed tous les jours
J’ai besoin d’tes services raison d’sécurité
Ch’est pourquoi qu’t’es soignée avec autant d’amour
J’ai querre quand té berloques à m’cheinture accrochée
Partout té représentes el’ symbole du mineur
De s’rude vie ed labeur et aussi d’sin courache
Ch’est pourquoi aujourd’hui ej laiche parler min cœur
Té surveilles pour li les abords de s’n’ouvrache
Au début pou l’mineur lumignon bin fragile
D’sus s’barette épinglé t’n’étos qu’un tiot quinquet
Avec et’flamme à nue alimintée à l’huile
Ach’t’heure t’es bin cangée et t’as même un briquet
Comme eun’ pierre précieuse in a protégé t’flamme
Quand y a du puteux là té perds tin controle
Et’flamme al s’ratatine jusqu'à in rindre l’âme
Mais si ch’est du grisou al’ veut fuir de s’gaïole
Au fond t’as guidé tout eun’ race ed travailleurs
A gramint d’intre nous t’as fait ouvrir les yeux
D’sus les dingers perfides ed not’ métier d’mineur
Du galibot d’bidet in passant pa l’bout’feux
Pour les services rindus à not’ corporation
I fallot bin qu’un jour que j’te rinde les honneurs
T’es déjà bin r’classée comme pièche ed collection
Mais t’flamme al’ s’éteindra qu’avec el dernier mineur