COMPTE LA D'SUS
Paroles de Bertrand COCQ
Musique de Simon COLLIEZ
Si té t'dis"cha i'est" in a tout gagné
Après ch'z'élections ch'est pus l'même canchon
A s't'heure qui z'ont l'plache i vont s'mette in rache
Et tout arringer pour les ouvriers
Alors arvient sur terre faut pas rêver viux frère
Si t'attinds un cop d'mains té peux canter sans fin
REFRAIN
Compte la d'sus compte la d'sus
Compte la d'sus et bos de l'ieau
Si té veux y'arriver
I'a qu'sur ti qui faut compter
Compte la d'sus compte la d'sus
Compte la d'sus et bos de l'ieau
Si té veux un cop d'main
Té peux attinte s'qu'à d'main
Si té cros vraimint qu'au gouvernemint
I z'ont du chagrin pour ches pétites gins
Si té cros qu'in haut à la fin du mos
I s'font du tracas si té y'arrifes pas
Min garchon acoute me i faut ouvrir tes yeux
Si t'attinds un cop d'mains té peux canter sans fin
Au refrain
Si té cros qu'à s't'heure i z'ont tous à coeur
D'faire tout chu qu'i on dit chu qu'i z'ont promis
Si té cros surtout qu'i féront bien tout
Pour qu'té peuches enfin souffler un momint
Alors v'là un consel fais sonner tin rével
Si t'attinds un cop d'mains té peux canter s'qu'à d'main
Au refrain
Si té t'dis ch'est bon ed' main min patron
I va m'augminter sans même i d'minder
Z'heures supplémintaires ej'va pus n'in faire
Et pour mes congés i va s'arringer
Alors posse et' valisse i'est temps qu'té réalisses
Qu'si t'attinds un cop d'mains té peux canter sans fin
Au refrain