Il est minteux

IL EST MINTEUX Paroles de René DOUNIAUX Musique de Simon COLLIEZ Ech'tiot Léon quand te l'vos au bistrot Un bon cosel ne t'avise pas à liparler ed tin boulot Car là ch'est sûr qui va pas et' lacher Te voilà bieau min pauve garchon i va t'appinte tin métier Si te l'acoutes i'a ouvrétout partout T'arrives pas à in placher inne ch'est bien simple i connot tout A toutes chés plaches même si i'est pas resté longtemps J'ai calculé qu'cha li fait au moins cent vingt ans Ech' tiot Léon i va à l'pêque souvint Et i raconte que dins l'canal i'a attrapé un sous marin Et même à l'cache il me la dit comme cha J'ai abattu trois éléphants dins les collines ed l'Artois Mais ti te d'dis in écoutant l'bonhomme Que ch'est pauves bêtes sur'mint cha devot ête des éléphants roses A toutes ches garlousettes in répond tout joyeux Un cacheux un pêqueux cha fait deux bieaux minteux REFRAIN Il est minteux il est minteux Il est minteux comme un arracheux d'dints Il est minteux il est minteux Il est minteux comme un arracheux d'dints Ech'tiot Léon l'sam'di i va au bal I rabache à qui veut l'intinte qu'chés musiciens i jutent mal Toute l'soirée i'est pindu à l'buvette I tient l'crachoire à ch'pauf' barman li racontant es vie d'vedette Quand j'étos jonne j'étos un grand chanteur J'ai jué avec Kubiak Jack Defer et même aussi Glen Miller El seule musique à m'mote que m'n'homme il a pu faire Ch'est avec les Bavarois à l'fête ed la bière au refrain Ech'tiot Léon quand il étot soldat I'a gagné l'guerre de quatorze el guerre de cent ans el guerre de trois I'a combattu sur tous les continents Gramint d'pays pour l'armercier li ont el'vé un monument In plus ed cha i'a archu plein d'médalles El seule qui manque à s'collection cha dot ête celle du traval J'le vos mal in héros au millieu de l'bagarre Li qu'au quatorze juillet i'a peur ed chés pétards au refrain