EL PESSIMISTE
Paroles et Musique de Simon COLLIEZ
A quoi cha sert ed s'acater eune grosse voiture
Qui va à pus d'deux cents qui roule à toute allure
Vu qu'même sur les autoroutes in peut pon rouler
Qu'y'a des radars même là dù qui n'a pas d'danger
A quoi cha sert ed s'équiper d'un GPS
Qui risque à la fin de t'coûter la peau des fesses
Si te dos l'armette à jour eune fos tous les mois
Si te l'fais pas i t'invot là dù qui faut pas
REFRAIN
Cha sert à quoi ej vous l'deminte
Cha sert à quoi j'in sais trop rien
Mes amis i disent que j'sus un grand pessimiste
Qu'i faudrot que j'm'arprenne un peu que j'réagisse
A quoi cha sert d'aller des années à l'école
D'avoir à s'maison un tiroir rimpli d'diplômes
Avec tout cha te devros pouvoir travailler
Bin nan ch'est au pole emploi que t'iras pointer
A quoi cha sert de s'priver ed faire un régime
D'faire attention à c'que te minches pour garder t'ligne
Quand te vos l'temps qui faut pour ti perde un kilo
Té vas au restaurant te l'larprinds aussitôt
au refrain
A quoi cha sert ej j'vous l'deminte de s'marier
Aujourd'hui pour deux fos rien in est séparés
El divorce i va t'couter plus cher que l'mariache
Autant rester comme cha et pis s'mette in ménache
A quoi cha sert quand in est jeune ed s'indetter
Pour eune maison qu'in finira jamais d'payer
Dins trente ans quand té s'ras presque sorti d'affaire
Et'maison du sol au plafond tout s'ra à r'faire
au refrain
L'docteur m'a dit comme cha i faut vous arposer
Vous n'êtes pas bien et cha s'vot vous êtes fatigué
Ch'est pas grand cosse vous faites eune pétite dépression
ch'est pas grand cosse mais faut quand même faire attention
au refrain