L'DUCASSE
Paroles et Musique de
Simon COLLIEZ
Au momint de l'ducasse su l'tite plache de l'cité
Faut vir l'remue-ménache qu'il y'avot dins l'quartier
I faut dire qu'à l'époque ch'étot un évèn'mint
Aussi bien pour les gosses que pour les parints
Quand in sortot d'l'école tous un peu énervés
In courot su l'tite plache pour les vir s'installer
Ches grands i donnottent un coup d'main à ches forains
Dins l'espoir d'avoir des tours ed manèche pour rien
REFRAIN
J'arvos core el lot'rie pour gagner eune poupée
Pour m'tiote soeur combien d'sous qu'min père y'a dépinsés
Et comme toutes les années c'qu'i ram'not à l'maison
Ch't'eune boutelle ed mousseux comme lot d'consolation
Les autos tamponnantes les marchands ed nougats
Les tirs à l'carabine et les barbes à papa
Y'avot les balançoires à ch'ti qu'i'allot l'plus haut
Et pis les p'tits batieaux qui tournottent su l'ieau
"pour finir la 3eme fois"
L'habitude qu'in avot juste avant ed rintrer
Nou père i nous payot des frites dins un cornet
Autant ed souvenirs qui m'sont restés marqués
Tout cha ch'est des souv'nirs que j'oublierai jamais
El dimanche de l'ducasse tout étot différent
In mettot comme in dit les p'tits plats dins les grands
Ch'tot eune des rares journées dù qu'min père i prenot
Un p'tit verre ed vin blanc in guise d'apéro
Après l'tarte à gros bord que m'mère alle nous faijot
L'temps qu'nou père i s'prépare nous autes in piétinot
Mais quand i nous dijot bon allez on y va
Il dijot pas deux fos il ne l'répétot pas
au refrain
Ch'est aussi à l'ducasse su l'tite plache de l'cité
Qu'eune paire d'années pus tard in s'est rincontrés
In marchot côte à côte in n'osot pas s'parler
Dins les ch'nilles arcouvertes ch'est là que j'ai osé
Quand l'toile nous arcouvrot qu'in s'artrouvot dins l'noir
Ch'est là qu'in s'imbrassot à l'abri des regards
El soir dins l'bal monté tous les gins des corons
S'artrouvottent pour danser au son d'l'accordéon
au refrain