QUAND LES CH’TIS FONT LA FETE
Paroles de Daniel CARLIER
Musique de Simon COLLIEZ
L’soirée dansante comminche sur un air ed paso,
In s’crorot dins l’arêne avec chés toréros ;
Pépère plante ses bind’rill’s, mémère lièf’ ses gambettes,
Et tout l’mond’ claqu’ ses dogts…viva el castagnette !
Pis d’un seul coup Olé, mamie comme inne clodette
A sin bieau cavalier fait inne baisse à bouquette ;
In véïant cha l’orchestre intame un bleu tango,
Et l’coupl’, ziux dins les ziux, i s’inlace aussitôt.
REFRAIN
Quand les ch’tis font la fête, cha s’passe toudis comme cha,
In avinche, in arcule, in fait tiots et grands pas,
Et in ceurt par ichi, pis in déboul’ par là
Sans faire, bin intindu, d’manières ou tralala.
Pis v’là mononque su l’piste qui s’intique li aussi
Pour inne bossa nova, l’danse préférée d’tatie ;
Alors là ch’est grandiosse, in s’crorot aux tropiques,
Les bras, les gampes, les mains font d’z’affaires fantastiques ;
Heureus’mint l’rock and roll, comme un souffe d’Amérique
Apparu brusquemint cange complèt’mint l’rythmique ;
Les files et les garchons tertous là réunis
Invahissent el parquet, cha i’est, i sont conquis.
Au refrain
Nous v’là, main dins la main, dins l’sacrée farandole
In cante, in fait les fous et bin sûr in rigole,
In s’imbrasse sur les joues, à crou crou l’un et l’aute,
Bin ouais l’danse du torchon alle a toudis la cote ;
Ch’qui n’impêche point qu’après in intind du fox trot,
Des polkas, des scottish, bamboulas et gavottes !
Ah qu’ch’est ti bon l’dancing, haut lieu de l’cabriole,
Comme dijotent nos aïeux : dansons la carmagnole.
Au refrain