CHACUN Y'A SES SORTIES
Paroles et Musique de
Simon COLLIEZ
Y'a tous cheux qui vont à la plage
Pour faire bronzette quand i fait bieau
Comme eune côt'lette pour eune grillade
Un coup su l'vinte un coup su l'dos
El soir i sont rouche écarlate
A faire blanquir eune belle tomate
I faut les intinte râler
Quand i pèlent ed la tête aux pieds
Y'a cheux qui vont à la campagne
Histoire pour eux ed canger d'air
Pour ête tranquilles pour ête au calme
Mais seul'mint y'a toudis à faire
In plus d'ête réveillé d bonne heure
Par les coqs et pis les clébards
Par les tondeuses et les tracteurs
Qui vont du matin jusqu'au soir
REFRAIN
Mais rester à s'maison
Ch'est pas eune solution
Raviser el télé
Ch'est bon pour déprimer
Chacun y'a ses sorties
Chacun fait c'qu'i li plaît
Chacun fait sin lit comme i veut s'coucher
Y'a cheux qui préfèrent la ville
Pour aller faire du lèche vitrine
Pour t'garer té tournes deux tros heures
Sinon té payes l'horodateur
Là aussi ch'est rimpli d'clébards
Et ch'te dis pas sur les trottoirs
Ravise bien dù qu'té mets les pieds
Sinon t'in a plein les souliers
au refrain
Et y'a aussi cheux qui préfèrent
S'balader dins les grandes surfaces
Intre les boîtes d'haricots verts
Les couches culottes et les fromaches
Papa maman et les pitits
Chacun leur tour poussent el caddie
Cha leur a permis d'accater
Des choses qu'i'aurottent pu s'in passer
au refrain